BUTUAN CITY – Mas pakusgon pa sa mga nasud nga membro sa Association of Southeast Asian Nations kon ASEAN ang pagtubag nila sa nagkada-iyang isyu sama sa social, ekonomiya, panglawas, klima ug teknolohiya taliwa sa digital change ug demographic shifts.
Atol sa gipahigayong 40th senior officials committee for the ASEAN Social Cultural Community meeting kagahapon sa Makati City, giklaro ni Department of Social Welfare and Development kon DSWD Undersecretary Adonis Sulit ang kamahinungdanon sa high-level meeting nga gitambungan sa mga senior officials ug mga representante gikan sa mga nasud nga membro sa regional bloc sama sa Pilipinas, Singapore, Brunei, Cambodia, Indonesia, Malaysia, Laos, Myanmar ug Thailand.
Gibutyag ni Sulit nga target sa maong hugpong nga gawas sa pagsulbad sa mga isyu, target usab nilang makabaton og kolektibong paglihok alang sa usa lang ka tumong.
Samtang gitimbaya usab ni Sulit ang delegasyon sa Malaysia tungod sa ilang malampusong chairship ning mi-aging tuig 2025.
Gibutyag niini nga bawon pa gihapon sa mga ka-ubanan nilang nasud ang init nga pagdawat kanila atol sa mga kalihukang gihimo.
