BUTUAN CITY – Patay na matud pa si Iranian supreme leader Ayatollah Ali Khamenei base sa nakuha nga litrato sa patay’ng lawas niini ug gi-andam na ang opisyal nga pag-anunsiyo niini.
Sigon ni Israeli Prime Minister Benjamin Netanyahu, daghang senyales nga si Khamenei mitaliwan human nga gi-target matud pa sa mga Israeli fighter pilots ang compound ni Khamenei ug nadiskobrehan ang iyang lawas sa nahugmak nga presidential palace sa Tehran.
Aduna pa’y nadungog nga pagselebrar sa kadalanan sa Tehran human sa balita.
Apan sigon ni Iranian Foreign Ministry spokesperson Abbas Araghchi, si Khamenei ug ang presidente “safe and sound” ug nagpadayon sa pagdesisyon sa mga polisiya sa nasud.
Hangtud karon, wala pa’y independent confirmation sa pagkamatay ni Khamenei, ug wala pa siya makita sa publiko sukad nagsugod ang serye sa mga pag-atake, nga nagdugang sa mga pangutana ug kontrobersiya.
