BUTUAN CITY – Dili mu-ubos sa 51 ka mga tawo ang patay human sa gilusad nga airstrike sa Israel ngadto sa usa ka elementaryang tunghaan sa mga batang babaye sa Minab, lalawigan sa Hormozgan sa Iran.
Sumala sa mga report sa Iranian state television, milapas na sa 40 ang nakumpirmang patay sa maong pag-atake sa civilian target ug lahi pa ang duha ka estudyanteng namatay sa laing Israeli strike nga mi-igo usab sa usa ka eskuylahan sa Tehran.
Madumdumang una nang misaad si U.S. President Donald Trump nga motabang sa katawhan sa Iran, apan ang pagsaka sa ihap sa mga sibilyan nga namatay mahimong ipanawagan sa gobyerno sa Iran nga usa kini ka paglapas sa international law ug usa ka agresyon batok sa ilang katawhan.
Sumala sa Ministry of Health and Medical Education sa Iran, libo-ang sibilyan na ang namatay o nasamdan uban sa pagkadaot sa pipila ka pampublikong imprastruktura sulod sa 12 ka adlaw nga gubat tali sa Amerika ug Israel sukad pa niadtong Hunyo 2025.
