BUTUAN CITY – Gitoohang 11 ang patay human nahagsa ang usa ka Bolivian air force cargo plane sa kasadpang siyudad nga El Altosa Bolivia.
Ang maong insidente natigayon pasado alas 2:15 sa hapon oras sa maong nasud diin ang abyon mitugpa na sa El Alto’s airport gikan sa Santa Cruz, City sa dihang kini milapas sa runway og mibangga sa mga sakyanan.
Gikumpirma sa defence ministry nga usa ka C-130 Hercules ang nalambigit sa disgrasya nga nagkarga og kwarta ngadto sa Central Bank sa Bolivia. Wala na usab nagbutyag kini kung pila katawo ang sakay sa maong abyon. Makitang gitirahan sa mga police og tear gas ang mga katawhan nga nanguha sa nagkatag nga kwarta.
Makita sa video nga nanagan palayo sa tear gas og sa kapulisan ang mga tawo. Pagklaro pa ni Minister of Defence Marcelo Salinas nga wala pay value ang nasangpit nga mga kwarta tungod kay wala pa kini na-isyu sa central bank og wala pa kini serial number rasong kremin ang paggamit niini.
Temporaryo unang gisira ang El Alto International Airport human sa maong pagkahagsa samtang nagpadayon ang iombestigasyon sa nahitabo.
