BUTUAN CITY- Gipasalig sa Armed Forces of the Philippines (AFP) ang ilang kooperasyon sa mga awtoridad ugaling adunay pormal nga imbestigasyon sa kontrobersyal nga flood control scam, dungan sa hugot nga pagklaro nga dili na lakip sa militar ang mga gilambigit sa ex-Marines.
Sumala ni AFP spokesperson Col. Francel Margareth Padilla, nga dugay nang nagkabuwag ang serbisyo sa mga kanhi sundalo kansa nagsilbi matud pang mga bagmen ni kanhi lawmaker Zaldy Co, hinungdan nga minglihok nalang ang mga niini sa ilang private capacity.
Giinsistar usab sa opisyal nga wala girepresentar sa mga nasangpit nga indibidwal ang posisyon sa AFP.
Bisan paman, gibarugan sa institusyon ang transparency ug accountability kung kinahanglanon ang ilang tabang sa pag-imbestiga.
Isip background, gibulag ni kanhi Congressman Mike Defensor nga adunay 18 ka kanhi Marines ang andam mo tumestigo sa Ombudsman pabor sa mga nag-unang rebelasyon ni Master Sgt. Orly Regala Guteza kalabot sa floodgate irregularities.
Lakip si Atty. Levito Baligod, sa gikatakdang magsumite og joint affidavit sa maong mga ex-Marines aron motabang sa pag-asdang sa kaso.
