BUTUAN CITY- Misang-at og resolusyon ang mga opposition lawmaker sa House of Representatives kansa nag-awhag sa Pilipinas nga mobalik sa International Criminal Court kon ICC samtang nagsugod ang confirmation of charges hearing batok kang kanhi Presidente Rodrigo Duterte.
Ang House Resolution 809 nga gipirmahan nila Antonio Tinio sa ACT Teachers Party-list, Sarah Elago sa Gabriela ug Renee Co sa Kabataan Party-list nagpasabot nga ang ICC usa ka importante nga mekanismo aron masiguro ang hustisya ug accountability sa mga genocide crime, crimes against humanity, war crimes ug crimes of aggression.
Sumala sa mga mambabalaod nga ang pagre-join sa ICC magpadayag sa tinuod nga pagtahod sa Pilipinas sa kinabuhi ug sa internasyonal nga obligasyon, ug magpalig-on sa imahe sa nasud isip usa ka demokrasya nga nagrespeto sa katungod sa tawo.
Si Duterte karon gidetenar sa ICC detention facility sukad pa niadtong Marso 2025 tungod sa kasong crimes against humanity nga adunay kalabotan sa iyang “war on drugs,” diin liboan matud paka Pilipino ang namatay.
Bisan pa sa withdrawal sa Pilipinas sa Rome Statute niadtong 2019, sumala sa Supreme Court nga obligado gihapon ang nasud nga makig-cooperate sa ICC alang sa mga krimen nga nahitabo samtang miyembro pa kini sa tratado.
