BUTUAN CITY-Gi-anunsyo ni President Ferdinand Marcos Jr. nga makadawat na og dugang-suholan ang mga minimum wage earner sa Northern Mindanao ug Caraga sugod kagahapong adlawa Mayo 1, 2026, dungan sa pagsa-ulog sa Labor Day.
Ang umento parte sa ika-duhang tranche sa wage increase nga gipatuman sa duha ka rehiyon.
Sa Northern Mindanao, nadugangan og P14 ang inadlaw nga suholan, diin gikan sa P485 mahimong P500 na kini.
Una na nga gipatuman ang unang tranche niadtong Enero 16, 2026, kansa ming-usbaw og P25 gikan sa P471 hangtud P486.
Samtang sa Caraga usab, ming-abot na sa P475 ang inadalaw nga minimum wage human ang dugang P20 sa ika-duhang tranche.
Niadtng Enero 3, 2026, unang gipatuman ang susamang kantidad nga P20 kansa nagtakda sa suholan og P455.
Samtang, sigon sa Department of Labor and Employment (DOLE) nga posibleng magdesisyon ang Regional Tripartite Wages and Productivity Board (RTWPB) sa National Capital Region (NCR) kalabot sa mga nagong-ong nga petisyon alang sa wage increase pag-abot sa Hulyo.
Lakip sa mga petisyon ang sugyot nga P1,200 daily minimum wage ug P500 nga dugang suholan.
Sa kasamtangan, nagpabiling pinaka-taas ang minimum wage sa NCR nga anaa sa P658 hangtud P695 matag adlaw, samtang pinaka-ubos usab ang Bangsamoro Autonomous Region in Muslim Mindanao (BARMM) nga anaa sa P366 hangtud P411.
Managlahi usab ang suholan sa mga katabang sa balay matag rehiyon, kung asa mo-abot sa P7,800 matag buwan sa NCR ug posibleng mo-ubos sa P5,000 hangtud P5,500 sa ubang lugar.
