BUTUAN CITY-Gibalibaran sa International Criminal Court kon ICC ang hangyo sa kampo ni kanhi President Rodrigo Duterte nga i-diskwalipika ang tulo ka abogado sa drug war victims.
Sa siyam ka pahinang redacted version sa desisyon nga gipublikar kagahapon Biyernes, Pebrero 20, sigon sa chamber nga napakyas ang mga argumento sa depensa nga gipakitang adunay conflict of interest sa parte sa mga abogadong sila si Atty. Joel Butuyan ug Atty. Gilbert Andres, ubos sa article 16 sa Rome Statute.
Kahinumduman, nga minghayo usab ang legal team sa kanhi Pangulo niadtong Pebrero 11 sa Chamber aron manduan ang ICC Registry nga suspendihon ang access nila Atty. Butuyan, Atty. Andres lakip na si Atty. Nicolene Arciana sa rekord sa kaso samtang nagkang-ong ang desisyon.
Nahimong basehan sa depensa aron hangyoon ang diskwalipikasyon sa tulo ka legal representatives ang daw “impediment to representation” nunot sa conflict of interest, sa hinungdan nga aduna matud pay propesyunal nga relasyon sila Butuyan ug Andres kang Arcaina, kans anaghatag matud pa og impresyong pagpihig nga mahimong makaapekto sa integridad sa mga proseso nga ipahigayon.
