BUTUAN CITY – Suportado sa Partido Reporma ang deklarasyon ni Bise Presidente Sara Duterte nga mudagan pagka-presidente sa 2028 national elections dayong endorso kang Senador Rodante Marcoleta nga mahimo niyang running mate.
Sigon ni kanhi House Speaker ug chairman sa Partido Reporma Pantaleon Alvarez, ang ilang suporta sa tandem nga Sara-Marcoleta, dili tungod sa ilang pagkakusog nga political personalities apan tungod sa ilang lig-ong prinsipyo.
Gipadayag niininga si Inday Sara nagpamatuod sa iyang ka-isog sa pag-atubang sa lisod nga mga isyu ug sa iyang pagkamapa-ubsanon sa pagdawat sa riyalidad sa politika.
Nagtuo matud pa sila sa kalig-on ug disiplina ni VP Sara nga gikinahanglan aron mabalik ang pagsalig sa katawhan ngadto sa mga institusyon sa gobyerno.
Samtang si Senador Rodante Marcoleta usab, nagdala matud pa og kagawasan sa paghukom, kalinaw sa prinsipyo, ug kasinatian sa lehislatura nga nag-ugat sa konstitusyonal nga responsibilidad.
Kung maghi-usa sila, kini nga tandem nagpakita og liderato nga nag-usa sa mga rehiyon ug lain-laing mga sektor alang sa nasudnong interes.
