BUTUAN CITY- Hugot ang pahimangno karon sa mga health experts ngadto sa mga residente palibot sa bulkang Kanlaon nga magsuot na og face mask human ang explosive eruption niini kagahapon sa hapon.
Kini ilabina nga pila ka oras lang, nagsugod na usab ang ashfall sa La Carlota City, La Castellana ug Bago ug gila-umang mu-abot pa sa ubang mga lungsod o kaha siyudad sa Negros provinces.
Nagsugod na usab pagdagsa ang mga namakwi aron masigurong makalikay sila sa mga posibleng kadaut nga hatud sa pagbuto na sa maong bulan.
Gipaniguro usab sa lokal nga kagamhanan sa Bacolod City nga gi-monitor nila’g maayo ang sitwasyon sa maong mga lugar apil na ang posibleng epekto niini dili lang sa siyudad kondili ilabina sa mga tawong makalanghab sa abo nga duna’y mga respiratory problem ingon man sa mga bata, tiguwang ug mga buntis nga hubakon.
