BUTUAN CITY – Giduso ni Leyte Rep. Ferdinand Martin Romualdez ang House Bill No. 7663 nga maghatag og P3,000 nga pensyon matag bulan ug social protection package alang sa mga tigulang, mga persons with disabilities ug kabus nga mga mag-uuma nga dili sakop sa Social Security System kon SSS, Government Service Insurance System kon GSIS, o pribadong retirement system.
Matod niya, importante ang pensyon kay kasagaran gamay ug dili sigurado ang kita sa mga mag-uuma, ug mapugos pa sila nga magtrabaho bisan tigulang na.
Ang regular nga pensyon makatabang nga dili na sila magsalig kaayo sa pamilya ug malikayan ang pagpamaligya sa ilang kabtangan para lang sa gasto sa adlaw-adlaw.
Ang balaod nga gitawag “Comprehensive Farmers’ Pension and Social Protection Act” nga gipangamahanan usab ni Rep. Jude Acidre sa Tingog Party-list.
