BUTUAN CITY- Mipasi-daan si NBA Commissioner Adam Silver nga posibleng mag-atubang sa mas bug-at nga silot, lakip na ang pagkuha sa draft picks, ang mga grupo nga mapamatud-ang gituyo nga magpapildi o mohimo og tanking.
Sa iyang statement sa All-Star Weekend, gi-angkon ni Silver nga mas minggrabe ang maong bulohaton karun nga season kumpara sa mianging mga tuig. Kini human nga gipahanmtangan og $500,000 nga multa ang Utah Jazz ug $100,000 usab sa Indiana Pacers tungod sa roster manipulation ug pag-limit sa playing time sa ilang mga key players.
Dugang pa sa opisyal, seryoso ang liga nga protektahan ang integrity sa duwa mao nga gawas sa multa, gitun-an na usab sa competition committee ang ang pag-utro sa sistema sa draft lottery. Samtang, gipadayag usab ni Silver nga hisgutan sa meeting sa board of governors sa Marso ang posibleng expansion sa NBA, apan wala pay kumpirmasyon kung sa Las Vegas o Seattle ibutang ang mga bag-ong grupo.
