BUTUAN CITY- Gitawag sa defense team ni kanhi Presidente Rodrigo Duterte nga “kompletong walay kamatuoran” ang listahan nga gipagawas sa International Criminal Court (ICC) kalabot sa mga giingong co-perpetrators sa kasong crimes against humanity.
Sumala ni lead defense counsel Atty. Nicholas Kaufman, nga dugay na nilang nahibaw-an ang identidad sa mga giingong co-perpetrators ug gituman nila ang absolute confidentiality sumala sa gikinahanglan sa Korte, ug gipunto nga bakak ang pamahayag nga ang interim release sa kanhi Presidente makapahugaw sa integridad sa imbestigasyon sa Prosecution.
Niadtong Biyernes Pebrero 13, 2026 gipagawas sa ICC ang mas gamay nga redacted version sa Document Containing the Charges (DCC) nga naglakip sa mag pangalan sa walo ka giingong co-conspirators lakip na ang incumbent senators Ronald “Bato” dela Rosa ug Christopher Lawrence “Bong” Go, ug uban pang kanhi opisyal sa kapulisan ug gobyerno.
Gibutyag ni Kaufman nga ang pag-report sa listahan “sensational” ug “politically motivated” lang kansa nagtinguha sa pagdaug-daug sa Senado ug sa demokratikong kabubut-on sa katawhang Pilipino.
Samtang si Senador Go mitubag nga ang mga alegasyon batok kaniya “unfounded, one-sided, unfair” ug walay kalabotan sa iyang papel isip Special Assistant to the President ug kanhi Executive Assistant sa Davao City. Ang ICC nakatakda sa confirmation of charges hearing sa kaso ni Duterte karong Pebrero 23, 2026, samtang napreso na kini sulod sa 11 ka bulan.
