-- ADVERTISEMENT --
BUTUAN CITY- Plantsado na sa Simbahan ug civil society group ang paghimo og ika-tulo nga Trillion Peso March sa EDSA Shrine. Idungan matud pa nila kini sa ika-40 nga anibersaryo sa EDSA People Power Revolution sa Pebrero 25.
Sumala sa mga organizers nga gilangkoban sa Caritas Philippines, Buhay ang People Power Campaign Network (BAPP) ug Simbahan ug Komunidad Laban sa Katiwalian, nga nakasentro ang aktibidad sa pagsaulog sa nangagi, paglihok karon, ug pagplano alang sa umalabot.
Sigon usab ni Caritas Executive Director Fr. Tito Caluag nga tungod sa nahitabong anomalya sa flood control nabuhi pag-usab ang civil responsibility sa katawhan. Gi-awhag usab niini ang publiko nga makiglambigit sa nasangpit nga aktibidad.
