BUTUAN CITY- Nagtuo ang Department of Foreign Affairs (DFA) nga dili makatabang sa “husto ug malinawong” relasyon sa Pilipinas ug China ang pagbawal sa Beijing sa pagpasulod og mga opisyal sa Kalayaan, Palawan.
Gibawalan ang China sa pagpasulod og 16 ka opisyal sa Kalayaan, lakip na ang Hong Kong ug Macao, human gi-deklara nga persona non grata sa lokal nga panggamhanan ang Chinese Ambassador nga si Jing Quan tungod sa daw pagsupak sa diplomatic protocol ug pagpangilabit sa internal affairs sa Pilipinas.
Sumala sa DFA, nga bisan paman katungod sa usa ka nasud ang pagpatuman og travel ban, dili kini makatabang sa pagpakusog sa bilateral relations ug people-to-people exchanges kansa gisaad sa Pilipinas ug China. Samtang, nanawagan usab si DFA Maritime Affairs Spokesperson Rogelio Villanueva sa China og malinawon ug propesyonal nga panaghisgot aron nga dili matud pa maguba ang relasyon sa Pilipinas ug China.
Ang Kalayaan ang nag-inusarang munisipalidad sa Pilipinas nga makit-an sa West Philippine Sea.
Padayon usab nga gi-angkon sa China ang halos tibuok kadagatan taliwala sa international ruling diin gika-ingong walay legal nga basehan sa ilang claim.
Sa mga ming-aging katuigan, minggrabi usab ang tensyon tali sa duha ka nasud tungod sa mga insidente sa dagat, lakip na ang panagbangi ug paggamit og water cannon batok sa mga barkong Pilipino.
