BUTUAN CITY-Gibutyag ni Atty. Mary Helen Polenar Zafra, nga mipasaka kini og bag-ong ethics complaint batok kang Surigao del Sur 1st District Congressman Romeo Salazar Momo Sr. sa House Committee on Ethics and Privileges, uban sa suporta sa Task Force Kasanag Incorporated nga gipangulohan ni Dr. John Chiong.
Sumala ni Zafra, ang reklamo nagbase sa House Rules sa 20th Congress ug adunay tulo ka grounds diin una niini ang Violation of Ethical Standards and conflict of Interest, ika-2 grave misconduct and conduct prejudicial to the integrity of the house ug ang ika-3 mao ang conduct and becoming of a member of the house of Representatives.
Gipasabot ni Atty. Zafra, nga dili na angay nga magpadayon si Cong. Momo isip miyembro sa Kongreso ug chairman sa House Committee on Public Works and Highways tungod sa mga alegasyon nga makadaot sa integridad sa institusyon.
Dugang pa ni Atty. Zafra, nga ilang giprayoridad ang pagdawat ug paghatag og hustong proseso sa ethics complaint batok kang Cong. Momo, diin gilauman nga ipahigayon ang pormal nga imbestigasyon ug ipatuman ang angay nga disciplinary sanctions ubos sa lagda sa House Committee on Ethics and Privileges.
Giila ni Zafra nga sa miaging kaso, gisuspenso sa Kongreso si Cong. Barzaga sulod sa unom ka bulan tungod sa mga aksyon nga giingong “unbecoming,” ug gibalik pa kini sa sunod nga higayon. Matod pa niya, kini nga precedent naghatag og basihanan nga masusi usab ang reklamo batok kang Momo nga adunay ebidensiya nga dokumentado.
Gibutyag usab ni ni Zafra, nga duha na sila kahiayon nga mingbalik sa Kongreso, diin sa permiro natanggong lang sila sa Guard house, gani sa ika-2 kagahapon gitugotan na sila nga makasulod sa House of Representatives ug gidawat ang ilang reklamo.
