BUTUAN CITY – Nagduso og petition to bail sila contractors Sarah Discaya ug si Roma Rimando sa St. Timothy Construction sa ilang gi-atubang nga kasong malversation sa pondo sa gobyerno taliwa nga kini non-bailable.
Sumala sa ilang tigpamaba nga si Atty Cornelio Samaniego III, ilang gisubmite ang petisyon sa piyansa didto sa Lapu-Lapu City Regional Trial Court (RTC) Branch 27.
Madumdumang niadtong Disyembre 2025, nagsubmite ang Office of the Ombudsman og mga kasong malversation ug graft batok kang Discaya ug uban pa may kalabutan s P96.5 milyon nga ghost flood control project sa Davao Occidental kansa pareho nialang gipanghimakak ug pareho silang natanggong sa Lapu-Lapu City Jail.
Gawas niini nga kaso, nag-atubang usab si Discaya og mga kasong tax evasion sa Court of Tax Appeals, uat ka ihap sa tax evasion tungod sa paglapas sa Seksyon 254 (tinuyong paningkamot sa paglikay sa buhis) ug Seksyon 255 (tinuyong kapakyas sa paghatag og husto ug tukmang impormasyon) sa National Internal Revenue Code of 1997.
