-- ADVERTISEMENT --
BUTUAN CITY-Padayon ang road clearing nga ginahimo sa Department of Public Works and Highways (DPWH) Surigao del Sur 1st District Engineering Office sa bahin sa Surigao-Davao Coastal Road, Junction Cortes padulong Barangay Nurcia, Lanuza sa Surigao del Sur human kini masarado tungod sa nahitabong landslide nga epekto sa paghapak sa Bagyong Basyang.
Gimanduan usab ni President Ferdinand Marcos Jr. ang pagpadali sa pag-abli sa maong karsada, hinungdan nga nakig timbayayong na ang mga maintenance crew sa DPWH ang lokal nga panggamhanan sa Lanuza ug usa ka pribadong kontraktor nga nagpadala ug dugang katawhan ug mga gamit alang sa mas paspas nga pag responde sa maong lugar.
