BUTUAN CITY – Gisugdan na sa Algeria ang proseso sa pagkansela sa kasabutan sa air services uban sa United Arab Emirates (UAE), nga pirmado sa Abu Dhabi niadtong Mayo 2013 ug gi-ratify pinaagi sa presidential decree niadtong Disyembre 30, 2014.
Wala kini naghatag og klarong rason sa kalit nga lihok, apan sa miaging mga bulan kusog ang kritisismo sa Algerian media batok sa UAE, nga giakusahan sa pagpangharas ug pagpanghilabot sa rehiyon.
Ilalom sa Article 22 sa kasabutan, kinahanglan nga pormal nga ipahibalo sa Emirati side ang termination pinaagi sa diplomatic channels, ug ipahibalo usab ang Secretary-General sa International Civil Aviation Organization (ICAO) aron buhaton ang gikinahanglan nga mga proseso.
Wala pa’y direktang komento niini ang UAE.
