BUTUAN CITY – Gi-abrihan pag-usab ang mga presinto sa Thailand ning adlawa alang sa usa ka crucial nga eleksyon samtang nagapaningkamot ang nasud nga makabangon gikan sa sunod-sunod nga pagpahawa sa mga lider ug pagbungkag sa mga partidong politikal sulod sa miaging duha ka tuig.
Nag-unang hagit sa mosunod nga gobyerno mao ang hinay nga dagan sa ekonomiya, tensyon sa border batok sa Cambodia, ug ang nagkadako nga problema sa transnational cyberscam networks.
Sulod sa duha ka tuig, nakasinati ang Thailand og paspas nga pag-ilis sa liderato tungod sa mga desisyon sa korte ug koalisyon.
Si Srettha Thavisin nahimong lider niadtong Agosto 2023 apan gipapahawa sa korte niadtong Agosto 2024.
Gipuli kaniya si Paetongtarn Shinawatra apan dali usab nga gipapahawa.
Si Anutin Charnvirakul ang kasamtangang Prime Minister nga mipuli niadtong Septyembre 2024.
Siya na ang ikatulong lider sa nasud sulod lang sa duha ka tuig.
Sa karon nga eleksyon, gilauman ang hugot nga negosasyon tali sa mga partido tungod kay lisod pa gihapon makab-ot ang “outright majority” sa kontrolado nga sistema sa politika sa Thailand.
