BUTUAN CITY – Nagbahad ang grupo ni kanhi Negros Oriental Rep Jacinto ‘Jing’ Paras nga ilang ipadayon ang pagpasaka og kaso batuk kang House Secretary General Cheloy Garafil human gibalibaran sa iyang buhatan ang pagduso nila og impeachment complaint batuk unta kang Pangulong Ferdinand ‘Bongbong’ Marcos Jr.
Sigon sa kanhi magbabalaud, klarong gilapas ni Garafil ang Konstitusyon human nga wala dawata ang ilang reklamo nga kompleto sa mga ebidensya ug mga dokumento.
Gipasabot sa grupo ni Paras nga bisan ug gibilin nila ang kopya sa reklamo, angayang ikonsidera gihapon kini nga officially submitted apan wala gidawat sa mga nabilin sa opisina human nga migawas sa nasud niadtong tungura si Garafil.
Apil matud pa sa kasuhan si Atty Momoy Salonga kinsa mibalibad gayod pagdawat sa ilang reklamo taliwa nga trabaho niya ang pagdawat niini bisan og wala si Garafil.
