BUTUAN CITY – Dugay rang gipangandaman sa defense team ni Vice President Sara Duterte ang bag-ong impeachment complaint nga gipasaka sa Makabayan bloc batuk sa besi presidente bisan niadtong nagduso pa sila og apela sa Korte Suprema.
Sa eksklusibong pakighinabi sa Bombo Radyo Philippines, gipadayag ni Atty Michael Poa – usa sa mga abogado ni VP Sara nga andam nilang atubangon ang tanang mga hungihong nga nagtudlo sa besi presidente sa bisan unsa na lang nga mga akusasyon sama sa gika-ingong sayop nga paggamit sa confidential fund sa Office of the Vice President.
Giklaro usab ni Atty Poa nga na-sensationalize sa ubang mga media outlets ang pipila ka impormasyong nakuha gikan kaniya apil na ang nag-trending nga ipagawas na matud pa sa besi presidente ang tinuod nga identity ni Mary Grace Piattos kansa pugsanong gikutay sa iyang gipagawas nga pamahayag nga klarong wala matud pa magsulti niini.
Giklaro usab ni Atty Poa nga bisan unsa pa ang motibo sa nagduso sa reklamo, mapulitika man kini o legal, nakatutok ang legal team sa legal nga aspeto ug bahala na matud pa ang katawhan mag-obserba sa dagan karon sa panggobyerno tungod kay tataw man nga makita ang tanan.
Ang ila lang nga makapresenta sila og solidong depensa alang sa besi presidente tungod kay klaro na sa tanan nga gilihok gayod sa mga anti-Duterte ang mga angayang lihukon, mapalagpot lang sa gahon si VP Sara.
