BUTUAN CITY – Gi-execute sa China ang upat ka miyembro sa Bai family mafia nga nagpadagan og scam centers sa Myanmar ug kabahin sa 21 ka mga miyembro sa pamilya ug kauban nga nakondena tungod sa scam, pagpatay, ug uban pang krimen sa usa ka korte sa Guangdong.
Niadtong Nobyembre, lima ka miyembro ang gisentensiyahan og kamatayon, lakip ang lider sa pamilya nga si Bai Suocheng, apan namatay siya tungod sa sakit human nakondena.
Niadtong miaging semana, gipatay usab sa China ang 11 ka miyembro sa Ming family mafia isip kabahin sa kampanya batok sa scam sa Southeast Asia.
Sa daghang katuigan, ang Bai ug Ming families nagkontrol sa usa ka border town sa Myanmar diin sila nagpadagan og casino, red-light district, ug online scams.
Ang Bai family adunay kaugalingong armadong grupo ug nagtukod og daghang compound alang sa scam operations. Daghan ang nabiktima, lakip ang pagkamatay sa unom ka Chinese ug daghang samad.
