BUTUAN CITY- Mingsaka na sa 40 ang ihap sa mga namatay sa nahitabong pagka-unlod sa MV Trisha Kerstin sa Basilan human nga narekober sa mga otoridad ang laing 3 pa ka patay’ng lawas sa mga pasaherong sakay niini.
Sumala sa Philippine Coast Guard kon PCG, nga ang nakarekober nga mga patay’ng lawas mao ang opisyal sa Hadji Muhtamad partikular na sa Baluk-Baluk Island samtang ang usa usab sa mga namatay, nakit-an sa Lantawan Island.
Gidala usab gilayon sa Zamboanga City ang mga patay’ng lawas alang sa identification ug sa proper disposition sa mga niini.
Samtang, gisiguro usab sa Maritime Industry Authority kon MARINA nga ilang imbestigahan ug ribyuhon ang mga pamahayag sa mga nakaluwas sa insidente nga adunay kakulang sa mga life vest, nawala nga mga panagaln sa pasahero, ug ang barko daw usa matud pa ka replacement.
