BUTUAN CITY – Niabot sa 200 ka tao ang namataysamtang 20 ang naluwas human nahugno ang minahan sa Rubaya, North Kivu, Democratic Republic of Congo tungod sa kusog nga ulan ug kakulang sa maayong pagmintinar sa site.
Apil sa mga biktima ang kababayen-an, mga bata, ug artisanal miners nga nagkuha og coltan – klase sa minerales nga gamit sa smartphones ug computers.
Ang mga pamilya sa mga minero nagpasabot sa ilang dakong kasakit ug gi-ila ang mga biktima nga masiguro lang ang panginabuhi sa ilang pamilya.
Ang Rubaya kontrolado sa M23 rebels sukad pa niadtong tuig 2024, ug gi-akusahan sila sa United Nations nga nag-imposar og buhis sa pagmina alang sa ilang kaugalingong interest.
Ang minahan sa Rubaya naglangkob og 15% sa global coltan supply ug katunga sa deposito sa DR Congo, hinungdan nga taas kaayo ang panginahanglan niini sa kalibutan.
