BUTUAN CITY- Mipasi-daan ang foreign minister sa Iran nga andam kining motubag sa bisan unsang aggressive military operation sa US.
Sa usa ka pamahayag, gipasi-ugda sa top diplomat sa maong nasod nga si Abbas Araghchi, nga andam na silang “makigbatok” isip balos ug tubag ugaling mosulong o mohimo og military operations.
Kahinumduman, una na nga mipasi-daan si US Pres. Donald Trump nga mopadulong kini sa katubigang sakop sa Iran ang ‘massive armada’ sa US nga gimugna sa naval vessel.
Ang mga niini, andam matud pang kumpletuhon gilayon ang ilang mga misyon. Wala usab gisalikway ang paggamit og ‘violence’ kung gikinahanglan.
Apan pagpamugos ni Araghchi, nga tubagon sa Iran sa susamang kusog ang bisan unsang kapintasan nga buhaton sa US batok sa maong nasud.
Gawas pa niini, gisiguro usab sa Iranian official ang ka-ndam niining motubag sa ‘maayo, patas, ug serysong nuclear deal, kansa pareho nga maka-benepisyo sa US ug Iran, nga dili mogamit og kapintasan.
Pag-insistar sa Iranian official, nga bukas gihapon kini sa bisan unsang diyalogo sa US nga dili mogamit og pagpamugos, puwersa, hulga, ug uban pang porma sa kapintasan.
