BUTUAN CITY- Gi-taho sa Human Rights Activists News Agency (HRANA) nga miabot na sa kapin 6,000 ang kumpirmadong patay tungod sa nagpadayon nga mga protesta sa Iran, samtang kapin sa 17,000 pa ang gi-imbestigahan.
Base sa datos sa ulahing bahin sa Enero 2026, adunay 6,159 ka kumpirmadong biktima nga naglakip sa 5,077 ka mga demonstrador, 92 ka bata, ug 214 ka tawo nga konektado sa gobyerno.
Ang protesta nagsugod tungod sa grabe nga problema sa ekonomiya sukad Disyembre 2025 ug mas napalawom pa sa internet blackout nga nagsugod Enero 8.
Samtang ang HRANA nagpasidaan nga posibleng mosaka pa ang ihap sa patay, ang uban pang grupo sama sa Iran International ug Iran Human Rights (IHR) nag-isyu og mas taas nga estimasyon nga miabot sa 25,000–36,500 ka biktima. Sa pikas bahin, giangkon sa mga opisyal sa Iran nga mga 2,000 ra ang total nga patay ug daghan niini giingong “terrorists.”
