BUTUAN CITY – Target karon sa Malay-Boracay Tourism Office nga makab-ot ang 2.3 milyones ka mga bisitang mu-abot sa Boracay Islands karong tuiga.
Sumala ni Kathrine Licerio, tigpamaba sa Malay-Boracay Tourism Office, kumpyansa ang ilang buhatan nga makab-ot ang maong ihap tungod kay sa bulan pa lang sa Enero, mi-abot na sa hapit 7,000 ang kada-adlaw nga tourist arrivals.
Ning mi-aging tuig, ilang nakab-ot ang target nga 2.1 milyones nga tourist arrivals niadtong 2025.
Padayon gihapon, ang ilang paningkamot uban sa lokal nga kagamhanan sa Malay aron makadani og mas daghang langyaw nga turista pinaagi sa pag-apil sa mga world travel expo, nga maghatag kanila og kahigayonan nga maila ang isla sa mas daghang merkado.
Dugang pa niini, makadugang sa ilang target ang nagkada-iyang mga pag-ila nga nadawat sa Boracay, diin ang pinakabag-o mao ang pag-ila sa isla isip World’s Leading Luxury Island Destination.
