BUTUAN CITY – Maka-agbat ni Pinay tennis sensation Alexandra “Alex” Eala ang pambato sa Japan nga si Himeno Sakatsume sa sunod nga round sa Philippine Women’s Open human gipildi ni Hemino ang iyang kababayang si Nao Hibino sa Round of 16 kagahapon pinaagi sa straight sets nga kada-ugan.
Nasayrang gidomina ni Sakatsume ang dula tungod kay mas consistent ang iyang serve ug baseline rallies samtang si Hibino, nakatala og mga sayop hinungdan nga nakuha niini ang advantage sa first set, nga nagdala sa iyang kumpiyansa hangtod sa second set.
Una na usab nga gipildi ni Eala si Russian player Alina Charaeva sa score nga 6-1, 6-2 sa unang round sa Philippine Women’s Open sa Rizal Memorial Sports Complex — ang iyang unang professional match sa Pilipinas.
Gi-angkon ni Eala nga adunay gamay nga discomfort sa iyang tuong tiil ug aminado kini nga ang physical pain kabahin gyud sa lifestyle sa usa ka atleta ug kinahanglan nga ma-manage aron dili maka-apekto sa mentalidad.
