BUTUAN CITY – Nakadawat ang Davao del Sur State College (DSSC) sa Guinness World Records plaque alang sa “KAWAYANIHAN: A Circular Economy Movement” tungod sa kalihokan nga gihimo niadtong Oktubre 18, 2024 nga naglakip sa pinakadaghan ug dungan nga pagpugas og kawayan sa 20 ka mga sites.
Ang kalihokan gi-apilan sa 2,305 ka mga partisipante, nga nakalapas sa karaang record sa India nga 1,229.
Ang kalampusan nahimo pinaagi sa pakigtambayayong sa Department of Science and Technology (DOST), sa Local Government of Matanao, ug uban pang lokal nga kauban.
Kini nga rekord nagpakita sa dedikasyon sa DSSC sa sustainability, climate resilience, ug community engagement, ug naghatag og modelo alang sa umaabot nga mga programa nga naghiusa sa research, edukasyon, ug lokal nga partnerships aron masulbad ang mga hagit sa kalikupan.
