BUTUAN CITY – Tulo ka mga tawo ang patay human ang pagpamusil sa gamay nga lungsod sa New South Wales sa Australia samtang ang ika-upat mga napusilan, gidala na sa ospital kinsa anaa sa seryuso apan stable na nga kondisyon.
Gi-imbestigahan na sa mga pulis ang pagpamusil nga natigayon sa Lake Cargelligo dayong tambag sa katawhan nga likayan una ang maong luga ug magpabilin una sulod sa ilang nahimutangan tungod kay at large pa ang gunman.
Giparesponde na ang mga pulis sa Walker Street duol sa Yelkin Street human sa pagpamusil nga mikalas sa duha ka babaye ug usa ka lalaki kansa gitu0uhang usa ka domestic violence attack.
Padayon pa usab nga gipangita sa kapulisan ang gunman nga armado samtang nagpakatag na usab og armadong tactical police aron pangitaon ang suspen nga misibat sakay sa sakyanang gipanag-iyahan sa local council.
Ang Lake Cargelligo, nahimutang sa sentrong bahin sa New South Wales ug duna lama’y 1,500 ka populasyon.
Natigayon ang pagpamusil human ang ass shooting ning mi-aging buwan sa Bondi Beach sa Sydney nga mikalas og 15 ka mga tawo.
