BUTUAN CITY – Nagpadayon pa ang search and rescue operation sa 14 gikan sa 15 ka mga pasahero ug mga tripolanteng lulan sa mitiklaob nga recreational vessel sa kadagatan sa Davao Occidental.
Nasayrang nagpagawas na og notice to mariners ang Philippine Coast Guard sa Davao Region kagahapong adlaw aron awhagon ang mga naglawig sa kadagatan nga magbinantayon higayong duna’y makitang bangka o kaha mga tawong naglutaw sa Davao Gulf.
Ang maong motorbance katapusang nakita pasado alas-tres sa hapon niadtong Enero 17 sa bisinidad sa kadagatan sa Sarangani, Davao Occidental.
Gikan matud pa sa Sta Ana wharf sa Davao City ang motorbanca niadtong Enero 17 ug gila-umang mu-abot una sa lungsod sa Governor Generoso , Davao Oriental niadtong Enero 19 apan wala na maka-abot pa.
Naluwas sa ginsakpan sa Philippine Coast Guard ang usa sa 15 ka mga sakay ug nanawagan si Henry Sauro, hepe sa Sarangani Municipal Disaster Risk Reduction and Management Office, ngadto sa mga posibleng makabangal og mga naglutaw ng pasahero o kaha bangka nga ipahibalo gilayin kini sa pinakaduol nga mga otoridad.
