BUTUAN CITY – Gipadayag ni Atty. Nicholas Kaufman, ang lead defence counsel ni kanhi Pangulong Rodrigo Roa Duterte, nga ilawom sa statutory framework sa International Criminal Court kon ICC, obligado ang prosekusyon pagpadayon sa ilang imbestigasyon sa sitwasyon sa Pilipinas aron madiskubre ang kamatu-uran.
Kini subay na sa apela sa mga prosecutors sa ICC alang sa dugang mga saksi sa war-on-drugs campaign sa Duterte administration.
Sa panig sa kanhi presidente, aduna matud pa kini absolute innocence sa kaso nga siya matud pa ang nagpasi-ugda sa organisadong palisiya nga patyon ang mga kriminal o kaha naghatag og kamanduan ngadto sa mga membro sa law enforcement agencies nga muhimo og kamatay.
ng susamang apela alang kang Kaufman, dili angayang ipahibalo ngadto sa publiko diha sa website sa ICC isip usa ka neutral body ug ang sistema sa balaud nga gi-apply, adversarial matud pa.
Kini nagpasabot nga ang kapatas sa armas sa duha ka partido ngadto sa litigation kinahanglang masiguro ug ang preferential treatment, dili angayang ihatag ngadto sa prosecution aron ipiton ang depensa.
