-- ADVERTISEMENT --
BUTUAN CITY – Wala’y natalang mga Filipino nga na-apektuhan sa nagkalapad nga mga lihok-protesta sa Iran.
Taliwa niini, padayong nagpahinumdom ang Department of Foreign Affairs kon DFA ngadto sa mga Pinoy ilabina kadtong anaa sa capital Tehran nga magpabiling alerto og likayan una ang paggawas-gawas.
Sigon sa DFA, duna’y 823 ka mga Pinoy sa Iran nga kadaghanan, mga permanent residents na ug apil na niini ang mga asawa ug mga anak sa mismong mga Iranians.
Samtang ang mga nanginahanglan og tabang, gitambagan nga makig-alayon sa embahada ilabina karong nagka-init na og maayo ang panag-agbat sa mga demonstrador ug sa mga pwersang gipangkatag aron magmintina sa kahapsay ug kalinaw sa mga siyudad diin gihimo ang mga rally.
