BUTUAN CITY – Nagpagawas og direktang mensahe si United States Senator Lindsey Graham ngadto sa mga Iranians subay sa nagpadayong nationwide protests batuk sa rehimen sa Islamic Republic.
Sigon ni Graham, inanay nang mi-abot ang dugay nang gikahadlukan sa mga Iranians dayong butyag nga ang ilang ka-isog ug determinasyon nga tapuson na ang ilang nasinatiang oppression, nakita na ni Trump ilabina dihang gipadayag sa presidente nga “Make Iran Great Again,” kansa nagpasabot nga ang mga demonstrador sa Iran kinahanglang mudaog batuk sa ilang lider nga si Ayatollah Ali Khamenei.
Kini matud pa ang pinaka-klarong senyales nga siya ug si President Trump nakasabot nga ang Iran, dili subling mumaayo kung anaa si Ayatollah ug iyang mga tawo dayong butyag nga sa tanang nagsakripisyo alang sa Iran, anaa kanila ang Ginoo ug gitapos niya sa pamahayag nga padulong na ang ilang gipangayong tabang.
