BUTUAN CITY – Gi-ila sa Guinness World Records ang usa ka baboy sa Illinois sa Estados Unidos human niini gipakita ang talagsaong kahanas sa skateboarding.
Ang baboy nga ginganlan og “Norbert” gikan sa Buffalo Grove, mitala og world record alang sa “fastest 10 meters pushing a skateboard by a pig” sa distansya nga sa 11.32 segundos.
Sumala sa tag-iya ni Norbert, nga si Vincent Baran, aksidente niyang nadiskobrehan ang talento sa iyang binuhi dihang misulay siya pagsakay sa usa ka skateboard sulod sa 15 minutos.
Daghang mga sesyon sa pagbansay matud pa, ang nahuman ni Norbert hangtud nga nakakat-on sa pagduso sa iyang kaugalingon samtang nagtunob sa skateboard.
Tungod sa iyang kahanas, si Norbert gitawag nga “Tony Pork,” isip pasidungog sa puno sa alamat nga skateboarder nga si Tony Hawk.
