BUTUAN CITY – Gitubag og dakong sunog ang Brgy Baan Riverside sa natigayong sunog usab sa Purok 3-A, Barangay Holy Redeemer ning siyudad pasado kagabii nga miresulta sa dakong kadaot sa kabtangan ug dakong kasubo sa mga apektadong residente tungod kay na-atol pa kini sa Pasko.
Sumala sa inisyal nga report, nagsugod ang sunog mga alas 7:45 sa gabii, kondiin gibana-bana nga 20 ka mga balay ang nasunog samtang mga 30 ka pamilya ang naapektuhan.
Ang maong insidente nahitabo atbang sa fish landing area, pasulod sa Travellers Lodge sa Langihan, kansa daling girespondehan sa mga response units ug personnel sa City Disaster Risk Reduction and Management Department kon CDRRMD ALIMAT ug sa Butuan City Central Fire Station. Padayon pa ang imbestigasyon aron masuta ang hinungdan sa sunog.
