BUTUAN CITY – Gitu-uhang ang singgit sa mga taga-Davao City sa mga pulong nga ‘Duterte’ ug ‘Bring Him Home,’ maoy hinungdan nga mibiya gilayon si Pangulong Ferdinand ‘Bongbong’ Marcos human og inspeksyon sa Bucana Bridge kagahapon sa buntag.
Kahinumdumang gitawag pa ni PBBM nga legacy project ilawom sa iyang administrasyon ang Bucana Bridge nga mi-ani og managlahing reaksyon sa katawhan tungod kay proyekto man kini ni kanhi Pangulong Rodrigo Duterte
Samtang gibarugan ug gidepensahan usab ni Davao City 3rd District Rep. Isidro Ungab nga ang Bucana Bridge, nagsugod sa Duterte administration dayong pakita sa post niini nga nagbutyag nga gisugdan kini niadtong tuig 2018 uban sa China subay sa kasabutan nila sa Duterte admininstration.
Kamatu-uran matud pa niini, sa Disyembre 9 tuig 2020, ang gobyerno sa China ug Pilipinas mipirma og letters of implementation agreement alang sa ka 1.39-km nga tulay nga mutabok sa Davao River kondiin ang maong proyekto gisuportahan pinaagi sa grant gikan sa China ug dili utang.
