BUTUAN CITY – Subling gibaharan ni Russian President Vladimir Putin ang Ukrainian troops nga muhawa na gikan sa eastern Donbas region sa Ukraine o kaha pugsanon nila kining kuhaon dayong basura sa bisan unsa mang kompromiso kalabot sa paagi pagtapos sa giyera.
Gipadayag kini ni Putin human gibutyag ni United States President Donald Trump nga gihisgutan na sa iyang mga negosyador ang usa ka peace plan nga gitu-uhan sa Russian leader nga mutapos sa giyera human ang dayalogo sa Moscow.
Sa iyang pagbisita sa India, gibarugan ni Putin nga kuhaon nila sa sidlakang bahin sa Donbas region gamit ang kusog o kaha biyaan na lang sa Ukrainian troops ang maong mga teritoryo.
Nasayrang kontrolado sa Moscow ang 85% sa Donbas ug hugot usab ang baruganan ni Ukrainian President Volodymyr Zelensky nga dili itugyan ang maong teritoryo.
Ang original iteration sa US peace plan nagsugyot pagtugyan sa mga lugar sa Donbas nga nagpabilin pa sa Ukrainian control ug ngadto sa de facto control ni Putin – apan duna’y gipresenta ang Witkoff team nga usa ka modified version didto sa Moscow.
Sigon ni Putin, wala pa niya nakita ang bag-ong bersyon adiser ang panagkita nila Witkoff ug Jared Kushner, ang son-in-law ni Trump.
