BUTUAN CITY – Nagplano ang mga immigration officials sa Estados Unidos paglusad og usa ka operasyon sa Minneapolis nga gilauman nga magtutok sa daghang populasyon sa mga imigrante nga gikan sa Somalia.
Kini human gipadayag ni President Donald Trump sa usa ka miting sa gabinete nga wala’y gikatampo sa ilang nasud ang usa ka bahin sa komunidad sa mga Somali sa Minnesota, kondiin dayag niining gibutyag nga dili siya gusto nga anaa ang mga Somalis sa ilang nasud.
Giprotestahan kini sa mga opisyal sa dakbayan sa Minnesota sa rasong pagpang-daug-daug matud pa kini sa mga American citizens nga gikan sa maong nasud sa East Africa.
Sa usa ka press conference, nagpasidaan si Minneapolis Mayor Jacob Frey nga ang operasyon sa Immigration and Customs Enforcement kon ICE, magpasabot sa paglapas sa due process.
