BUTUAN CITY – Gipasidunggan sa Commission on Population and Development-Caraga ang Bombo Radyo Butuan atol sa ilang gipahigayong Rafael M. Salas Kaunlarang Pantao Awards (RMSKPA) sa usa ka hotel ning siyudad sa Butuan kagahapon.
Kini isip pag-ila nila sa mahinungdanong papel ning sibyahan diha sa pag-promote ug pagsabwag sa ilang Philippine Population and Development Plan of Action 2023-2028 sa entiro rehiyon alang ning tuiga.
Tungod sa gihimo sa sibyahan, natabangan niini ang ahensya pagpahibalo sa publiko ingon man sa pagsuporta sa people-centered development nga gibase sa ebidensya.
Ang Rafael M. Salas Kaunlarang Pantao Awards, usa ka tinuig nga pag-ila sa Commission on Population and Development kon PopCom sa mga local government units nga malampusong nagpatuman sa ilang Population and Development (PopDev) Agenda.
Tumong niini nga ilhon ang mga LGUs, mga institusyon ingon man media partner nga duna’y hapsay nga integrasyon sa PopDev sa ilang mga programa, sama sa family planning, adolescent health, gender equality, ug sustainable development.
