BUTUAN CITY – Dili mu-ubos sa 36 ka tawo ang namatay sa usa ka dakong sunog nga milampy sa mga apartment blocks sa Tai Po district sa Hong Kong, samtang 279 pa ang wala mahibalo-i kung asa nahimutang.
Mi-abot sa kapin 800 ka mga firefighters ang naningkamot pagpalong sa kalayo sa Wang Fuk Court — ug sumala ni Hong Kong Chief Executive John Lee, kontrolado na nila ang sunog.
Usa ka batang masuso ug usa ka tigulang nga babaye ang na-rescue samtang nagpadayon ang operasyon samtang usa ka 37-anyos nga bombero usab ang namatay samtang nagpakigbisog sa kalayo kinsa gi-ilang “dedicated ug gallant.”
Naghangyo na ang mga residente og tabang gikan sa lokal nga mga awtoridad human sila mawad-an og contact sa ilang mga paryente nga anaa pa sa sulod sa mga building nga padayong gilamoy sa kalayo kansa gi-classify nga level five — ang labing seryoso nga lebel sa sunog sa Hong Kong.
