BUTUAN CITY – Nagpagawas og arrest warrant ang South Bangkok Criminal Court batuk kang Anne Jakrajutatip, kanhi co-owner ng Miss Universe, human nga wala siya mutambong sa gikatakdang pagbasa sa iyang kaso skalabot sa 30 million baht fraud.
Sigon sa korte, wala muhatag og pagpasabot ang kampo ni Jakra-jutatip, rason nga gitu-uhang milikay kini sa proseso sa balaud.
Madumdumang gikasuhan si Anne ug ang JKN Global Group og pagpanglingla aron madani ang usa ka doktor nga mag-invest sa corporate bonds nga dili matud pa kayang bayran sa maong kumpanya.
Tungod sa wala niya pagtambong, gimando sa korte ang pagbawi sa piyansa ni Jakra-jutatip ug gitakda ang bag-ong petsa sa iyang verdict hearing sa Disyembre 26. Migawas ang taho nga misibat matud pa sa Mexico si Jakrajutatip aron likayan ang mga obligasyon sa JKN.
