BUTUAN CITY -Hugtanong gilimod ni kanhi Presidential Spokesperson Atty. Harry Roque ang mikaylap nga balitang na-aresto siya sa Schiphol Airport sa Amsterdam, Netherlands dayong klaro nga gi-hold lang siya, gikuhaan og blood pressure ingon man oxygen dihang padulong unta siya sa Vienna, Austria.
Gipasabot ni Roque nga ubos sa Dublin rules, ang nasud nga nag-isyu kaniya og visa, mao ang angayang muhatag og proteksyon sa asylum-seeker sama kaniya.
Mao matud oa kini ag rason nga gi-hold siya sa airport, isip proteksyon usab alang sa iyang seguridad base sa Dublin rules ilabina nga na-monitor matud pa sa European authorities ang pagpamig-ot sa gobyerno sa Pilipinas kaniya.
Gidugang pa ni Roque nga ang managlahi matud pa nga unod sa medical certificate nga gi-isyu kaniya alang sa pagbiyahe tali sa mga doktor nga nag-opera kaniya ug sa doktor sa Dutch Immigration Bureau, ang rason nga na-hold siya sa iyang flight.
