BUTUAN CITY – Kapin sa 200 ka mga bata ang gipangdagit human ang pinakadakong mass kidnappings nga gihimo sa armadong kalalakin-an sa usa ka Catholic school sa western Nigeria karong tuiga.
Sigon sa Christian Association of Nigeria (CAN), gisulod sa armadong kalalakin-an ang St Mary’s School sa Papiri community sa Agwara District sa Niger State’ dayong dagit sa 215 ka mga pupils uban ang 12 ka mga magtutudlo.
Gikumpirma na usab sa mga pulis ang maong pag-atake adiser ang misidlak ang adlaw ug duna na’y gipang-deploy nga mga sundalo sa maong lugar.
Nasayrang ang St Mary, usa ka secondary school kondiin makita sa satellite images nga ang ilang compound gikutay ngadto sa kasikbit nga primary school nga duna’y kapin sa 50 ka mga dakbalay apil na ang mga classrooms ug mga dormitoryo.
Nag-panic ang mga residente kondiin nag-iyahay pagpangita sa ilang mga anak ang mga ginikanan.
