BUTUAN CITY – Gi-angkon sa anak ni People’s Champ Manny Pacquiao nga si Emman Bacosa Pacquiao nga si Jillian Ward ang iyang showbiz crush.
Atol kini sa usa sa iyang mga TV guestings human nga sunod-sunod ang pag-imbitar kaniya human midaog sa iyang away atol sa ‘Thrilla ‘n Manila’ nga nasaksihan mismo sa iyang amahan ug sa iyang step mother nga si Jinky Pacquiao.
Nasayrang sukad sa maong kada-ugan, paspas nga misikat ang 21-anyos nga boksingero tungod kay gawas sa abilidad niini sa maong sports, artistahon usab kini og dagway.
Wala’y duha-duha nga gi-angkon ni Emman nga gusto niyang makita personal ang aktres ug dihang gipangutana siya sa tsansa nga iya kining pangulitawhan tali sa rating nga one-to-ten, gipadayag niining 5-puntos niya kining pangulitawhan.
