BUTUAN CITY – Gipaniguro ni Palace Press Officer Usec. Claire Castro nga dili magpadala ang Malacañang sa mga kasaba, ilabina sa nagpadayon nga mga tirada batok sa administrasyon isip tubag sa bag-ong hagit ni Senadora Imee Marcos nga ipa-ilalom si Pangulong Ferdinand Marcos Jr. sa hair follicle test.
Sigon ni Usec. Castro, dili angay motubag ang presidente sa susamang klase sa mga pamahayag tungod kay dili kini husto nga panahon ug mas adunay dagkong responsibilidad nga angay atubangon karon ang liderato sa nasud.
Gipunting usab ni Castro, nga dugay nang natapos ang maong isyu, ug dili na matud pa angay nga tugutan sa Pangulo nga musimang ang atensyon gikan sa mga polisiya ug programa sa gobyerno tungod lamang sa kasaba sa politika.
Sumala pa niini, nakatutok ang administrasyon sa mga prayoridad sa ekonomiya ug serbisyo publiko ug dili sa mga isyung gipangsangyaw sa kansa walay mahatag nga kaayuhan sa katawhan.
