-- ADVERTISEMENT --
BUTUAN CITY – Gibotaran sa House of Representatives sa Estados Unidos ang balaudnon nga magtapos sa pinakataas nga government shutdown sa kasaysayan sa maong nasud kondiin ipadala na kini ngadto kang US President Donald Trump aron mapirmahan.
Mi-abot sa 222 ka mga magbabalaud apil na ang 6 ka mga Democrats ang mibotar pabor niini samtang 209 usab ang supak apil na ang duha ka mga Republicans.
Apil sa 6 ka mga Democrats nga mibotar pabor sa balaudnon sila Jared Golden sa Maine; Adam Gray sa California; Marie Gluesenkamp Perez sa Washington; Henry Cuellar sa Texas; Tom Suozzi sa New York ug Don Davis sa Carolina samtang ang mga Republicans usab nga misupak niini mao sila Greg Steube sa Florida ug Thomas Massie sa Kentucky.
