BUTUAN CITY – Ipatawag sa National Police Commission (NAPOLCOM) ang usa ka lalaki nga nagsul-ob og uniporme sa pulis atol sa usa ka Halloween party.
Sigon ni NAPOLCOM Vice Chairperson ug Executive Officer Rafael Calinisan, ipagawas niya karong adlawa Nobyembre 3 ang show
cause order batok sa maong lalaki aron ipasabot ang iyang panig, tungod kay posible siyang makasohan og paglapas sa balaod nga nagdili sa paggamit sa opisyal nga uniporme o insignia sa kapulisan.
Gihangyo usab sa NAPOLCOM nga mohimo og public apology ang maong lalaki, ug kung dili kini buhaton, pasakaan siya og kaso.
Sa iyang social media post, gipasidan-an ni Calinisan ang publiko nga likayan ang pagsul-ob sa mga simbololong nagrepresentar sa legitimate authorities aron malikayan ang kalibog ug mapreserbar ang integridad sa mga ahensya sa gobyerno.
