BUTUAN CITY – Napiling presidente sa Ireland si Catherine Connolly human ang iyang landslide nga kada-ugan kondiin ang resulta, opisyal nang gideklara sa Dublin Castle.
Siya ang ikanapulo nga presidente sa Republic of Ireland human gipildi si Heather Humphreys, kinsa mi-concede na ngadto sa iyang karibal.
Sa iyang acceptance speech, misaad si Connolly kinsa usa ka independent ug suportado sa major left-wing parties, nga mahimong usa ka inclusive president sa tanan.
Ang 68-anyos nga presidenteng gikan sa Galway, nahimong membro sa Irish parliament sukad pa niadtong tuig 2016.
Tungod sa iyang kada-ugan, iyang hulipan si Michael Higgins kinsa nagserbisyo sa maong nasud sulod sa tuha ka termino. Nakuha ni Connolly ang 914,143 nga preference votes kansa 63% sa kinatibuk-ang boto, ug pinakadaghan sa kasaysayan sa Irish presidential election history.
Sa iyang acceptance speech, gipadayag niining siya ang usa ka presidente nga maminaw, musalamin, ug musulti kung gikinahanglan.
Mahimo matud pa siyang tingog alang sa kanilaw base sa ilang palisiya sa neutrality, usa ka tingog nga magtutok sa nagtunhay nga hulga sa climate change, ingon man tingog nga murekognisa sa subsob nga trabahon alang sa kaayuhan sa ilang nasud.
